ކޮންމެއަކަސް ނިންމާލަމުން އަޅުގަނޑު ބުނެލަން ބޭނުންވާ ވާހަކައަކީ، އިހަކަށް ދުވަހު ޕޮލިސް ސަރވިސްއާއި އެމް.އެން.ޑީ.އެފް އާއި ގުޅިގެން ޖަލުގައި ހިންގި އޮޕަރޭޝަނުން ފެނުނު ބޮން ހަދަން ބޭނުންކުރާ ބާވަތުގެ ސާމާނާއި ޖިހާދުކުރުމަށް ބާރުއަޅާ ފޮތްތަކުގެ ވާހައަކީ ނިމިދިޔަ ވެރިކަމުގެ ދުވަސްވަރު އެމް.ޑީ.ޕީން ހެދިގޮނޑުދޮށުގައި މުޒާހަރާ ކުރަން އުޅުމުން، ސްޓަރފޯސް ލައްވައި މައުމޫނު ކުޅުވި ޑްރާމާއާ އެއްވެސް ތަފާތެއް ނެތް ޑުބްލިކޭޓެކެވެ. އެއީ އެމް.ޑީ.ޕީ އާމެދު ރައްޔިތުންގެ ހިތުގައި ކިލަނބު އުފެއްދި ގޮތަށް މިފަހަރުގެ މަޖިލީހަށް ކުރިމަތިލާފައި ތިބި ދީނީ މީހުންނާ މެދު ޢާއްމުންގެ ވިސްނުން ތަޣައްޔަރު ކުރުމަށްޓަކައި ހަމަ ކަނޑައެޅިގެން ކުޅުވި ޑްރާމާއެކެވެ.

ރައީސް ނަޝީދަށް ބަންޑާރަ ނާއިބު އިއްޔެ ފޮނުއްވި ލަފާފުޅުގައި ވިދާޅުވެފައި ވަނީ ރައްޔިތުންގެ މަޖިލީހުގެ އިންތިހާބުގެ ނަތީޖާ ވަކި މިސްރާބަކަށް ގެންދިއުމަށްޓަކައި ސަރުކާރުގެ ބައެއް ވަޒީރުންނާއި ކައުންސިލަރުންނާއި ސިޔާސީ މަގާމުތަކުގައި ތިއްބެވި ބައެއް ފަރާތްތަކުން ނާޖާއިޒު ގޮތުގައި މަގާމުގެ ބޭނުން ކުރައްވަމުން ގެންދަވާ ކަމުގެ ޝަކުވާ އެފަރާތަށް ލިބިވަޑައިގަންނަވާ ކަމަށެވެ.

ޖަލަށް ވެއްދުން ހުއްދަކުރާ ބައެއްތަކެތި އަލުން ވެއްދުމާމެދު ދެވަނަ ވިސްނުމަކަށް ދާންޖެހިފައިވާކަމަށް ޑީޕީއާރުއެސްއިން ވިދާޅުވެއްޖެއެވެ. މާފުށި ޖަލުގެ ކަންތައްތައް ބެލެހެއްޓުމުގައި ހަރަކާތްތެރިވާ ޑީޕީއާރުއެސް ޓީމުގެ އިސްވެރިއެއްގެގޮތުން ހަރަކާތްތެރިވާ ސްޕްރިންޑެންޓް މުހައްމަދު ހުޝާމް ވިދާޅުވީ، ގައިދީންނަށް ދޭންވާ އަސާސީ ޚިދުމަތްތައް މިހާރު ފޯރުކޮށްދެވެމުންދާ ކަމަށާ، އެނޫން ޚިދުމަތްތައް ދެވޭނެދުވަހެއް އަދި ނޭނގޭ ކަމަށެވެ. އަދި އެކަމާ ވިސްނާނީ، ޖަލުގެ ހަލާކުކޮށްފައިވާ ގޮޅިތަކުގެ މަރާމާތު މުޅިންނިމި ހަމަޔަކަށް އެޅުމުން ކަމަށްވެސް އޭނާ ވިދާޅުވިއެވެ.ޖަލަށް ވެއްދުމުގެ ހުއްދަ ދީފައިވާ ބައެއް ތަކެތީގެތެރޭގައި ހިމެނޭ ޑީވީޑީ ޕްލެއަރ، ޓީވީފަދަ ތަކެތި ވެއްދުން ހުއްދަކުރުމާމެދު ދެވަނަ ވިސްނުމަކަށް ދާންޖެހުނީ އެފަދަ ތަކެތީގެ ބޭނުންކޮށްގެން ނުރައްކާތެރި ގޮވާޒާތުގެ ތަކެތި ހެދުމަށް މަގުފަހިކޮށްދޭ ތަކެތީގެގޮތުގައި އެތަކެތި ހިމެނޭތީ ކަމަށްވެސް ސްޕްރިންޑެންޓް މުހައްމަދު ހުޝާމް ވިދާޅުވިއެވެ.

މިދިޔަ މާރޗް މަހުގެ 31 ވަނަ ދުވަހުގެ ރޭ ކ.މާފުށީ ޖަލުގައި ޤައިދީންގެ ތެރެއިން ބަޔަކު ޖަލުގެ ތަންތަނުގައި އަލިފާންޖަހާ، ޖަލަށް ވަރަށް ބޮޑެތި ގެއްލުންދީފައިވާ ނުރައްކާތެރި ހަމަނުޖެހުން ތަހުޤީގުކޮށް މިކަން ހިންގުމުގައި ބައިވެރިވި ފަރާތްތަކާއިމެދު ޤާނޫނީ ގޮތުން އަޅަންޖެހޭ ފިޔަވަޅު އެޅުމަށް ހިޔުމަން ރައިޓްސް ކޮމިޝަނުން ގޮވާލައިފިއެވެ. ހިޔުމަން ރައިޓްސް ކޮމިޝަނުން މިކަމަށް ގޮވާލެއްވީ، ޖަލުގައި ހިންގި މިހާދިސާއާއި ގުޅިގެން މިދިޔަ ބުރާސްފަތި ދުވަހު އެފަރާތުން ނެރުއްވި ނޫސްބަޔާނެއްގައެވެ.

އައު ޤާނޫނު އަސާސީން ތަޢާރަފުވެގެން ދިޔަ އެންމެ ބޮޑު އިޞްލާޙަކީ ރައްޔިތުން މާ ރަނގަޅަށް ތަމްސީލުކުރާ، މާ ބާރުގަދަ ރައްޔިތުންގެ މަޖިލީހެއް އުފެއްދުމެވެ. އައު މަޖިލީހުގައި ތިއްބަވާނީ ހަމައެކަނި އިންތިޚާބުކުރެވިފައިވާ މެމްބަރުންނެވެ. އަދި މަޖިލީހުގެ މެމްބަރުންގެ ޢަދަދު 42 އިން 77 އަށް އިތުރުވެގެން ދިއުމެވެ. ޤާނޫނު އަސާސީގެ 296 ވަނަ މާއްދާ ވަނީ ރައްޔިތުންގެ މަޖިލީހުގެ އިންތިޚާބު 15 ފެބްރުއަރީ 2009 ގެ ކުރިން ބާއްވައި، އައު މަޖިލީހުގެ ފުރަތަމަ ޖަލްސާ 1 މާރޗް 2009 ގެ ކުރިން ބޭއްވުން ލާޒިމުކޮށްފައެވެ. ރާއްޖޭގައި ތިއްބެވި މަޝްހޫރު ބައެއް ޤާނޫނީ ވަކީލުން ހުށަހެޅުއްވި މައްސަލައަކާ ގުޅިގެން ސުޕްރީމްކޯޓުން ވަނީ، ސުނާމީއެއްފަދަ ޤުދްރަތީ މުޞީބާތެއް ކުރިމަތިނުވާހާ ހިނދަކު ޤާނޫނު އަސާސީގައި ކަނޑައަޅާފައިވާ ތާރީޚުތަކަށް އިޙްތިރާމުކުރަންޖެހޭނެކަމުގައި ނިންމަވާފައެވެ. އެހެންނަމަވެސް، ޤައުމުގައިވާ އެންމެ މަތީ ޝަރުޢީ މުއައްސަސާގެ މި ތާރީޚީ ނިންމެވުމަށް ސަރުކާރުން އަނެއްކާވެސް ހަމައެކަނި އިޙްތިރާމު ނުކުރެއްވީއަކީ ނޫނެވެ. އެ އިންތިޚާބު ކަނޑައެޅިފައިވާ ތާރީޚުގައި ނުބާއްވަން ކުރެވޭނެ ހުރިހާ ކަމެއްވެސް ކުރެއްވީއެވެ. ރައްޔިތުންގެ މަޖިލީހަށް އިންތިޚާބުވެވަޑައިގެން ތިއްބެވި މެމްބަރުންނާއި، ރައީސުލް ޖުމްހޫރިއްޔާގެ މެމްބަރުން ވަނީ އިންތިޚާބު ލަސްވުމަށް މަގުފަހިވާނޭ ގޮތަށް މަޖިލީހުގައި ވޯޓުދެއްވާފައެވެ. 1 މާރޗް 2009 ގެ ފަހުން މިހާރު އޮތް ރައްޔިތުންގެ މަޖިލީހުގެ ޤާނޫނީ ޙައިސިއްޔަތު ނެތްކަން ސުޕްރީމް ކޯޓުގެ ނިންމެވުމާއި، ޤާނޫނު އަސާސީގެ ކަނޑައެޅުމުން ވަރަށް ސާފުކޮށް އެނގެއެވެ..

ރައީސު މައުމޫނު ވަނީ، ރައްޔިތުންގެ މަޖިލީހުގެ މުހިއްމު މެމްބަރުންނާއި، ހިލޭ ސާބަހަށް މަސައްކަތްކުރާ އަމިއްލަ ޖަމާޢަތްތަކާއި (އެންޖިއޯ)، މުހިއްމު އަމިއްލަ ފަރުދުންގެ ތާއީދު ހޯއްދެވުމަށް ދައުލަތުގެ ވަސީލަތްތައް ނަހަމަގޮތުގައި ބޭނުންކުރައްވާފައެވެ. ސަރުކާރުގެ ފައިސާ ހޭދަކުރުމާބެހޭ ޤާނޫނު ފާސްކުރުމުގެ އިތުރުން، ޤާނޫނު އަސާސީއަށް 250 ވަނަ މާއްދާގެ (ހ) އިތުރުކުރެވުނީ މިކަން ހުއްޓުވުމަށެވެ. ރައީސުލްޖުމްހޫރިއްޔާ ބޭނުންފުޅު ގޮތަކަށް ލޯނާއި، ހިލޭ އެހީއާއި، ސަރުކާރުގެ މުދާ އަމިއްލަ ފަރުދުންނަށާއި، އެންޖީއޯތަކަށާއި، ރައްޔިތުންގެ މަޖިލީހުގެ މެމްބަރުންނަށް ދެއްވުން ސަރުކާރުގެ ފައިސާ ހޭދަކުރުމާބެހޭ ޤާނޫނާއި، ޤާނޫނު އަސާސިގެ 250 ވަނަ މާއްދާގެ (ހ) އިން މަނާކުރެއެވެ. ރައީސު ނަޝީދު ޢާއްމު ޤާނޫނާއި، ޤާނޫނު އަސާސީގެ މި ނިންމެވުންތަކަށް އެއްވެސް އިޙްތިރާމެއް ނުކުރައްވައެވެ. މިކަމުގެ ދެތިން މިސާލެއް ތިރީގައި އެވަނީއެވެ.

ޒަކީއެވެ! ކަންކަމުގެ ޙަޤީޤަތް އެނގެނީ އަދިއެވެ. މީގެ ކުރިން ތިޔަބައިމީހުން ލިޔުމެއްގެ ވާހަކަވެސް ނުދައްކަވައެވެ. އެލިޔުން ލިޔުމުގެ މަޤްޞަދަކީ ކޮބައިތޯއެވެ؟ ތިޔަވިދާޅުވާ ބޭފުޅާ ލިޔުއްވާފައިވާ ލީފްލެޓްގައި ޤުނޫތު ކިޔުމާމެދު އައިސްފައިވާ ރިވާޔަތްތައް ޞައްޙަ ނޫންކަމަށް ޙުކުމް ކުރައްވާފައިވާއިރު ބުޚާރީ ފަދަ ޙަދީޘްގެ އެންމެ ޞައްޙަ ފޮތްތަކުގައި ހުރި ޙަދީޘްތަކަށް ހަދަންވީ ކިހިނެއްތޯއެވެ؟

ރައީސްގެ ޕްރެސް ސެކްރެޓަރީއަށް ލަފާދެއްވުމަށްޓަކައި މަހަކު ތިރީސް ހާސް ރުފިޔާގެ ބޮޑު މުސާރައެއް ދީފައި ޕޯލް ރޮބަޓްސް ކިޔާ ބޭރު މީހަކު ހަމަޖައްސާފައިވާކަން ދާދިފަހުން ވަނީ ފަޅާއަރާފައެވެ. މިކަން އެންމެ ފުރަތަމަ ފަޅާ އަރުވާލާފައިވަނީ ކުރީގެ އިންފޮރމޭޝަން މިނިސްޓަރު ނަޝީދުގެ ބްލޮގްގައެވެ. އަސްލު ޙަޤީޤަތުގައި މިމީހާ އެޕޮއިންޓްކޮށްފައިވަނީ ސިއްރުންނެވެ. މި ޢައްޔަންކުރެވުނު މީހާއަކީ ރައީސް ނަޝީދުމެން އެމްޑީޕީން ވެރިކަން ބަދަލުކުރުމަށް މަސައްކަތް ކުރި އިރު ހިންގި މިނިވަން ނޫހުގައި ޖަރނަލިސްޓެއްގެ ގޮތުން މަސައްކަތްކުރި މީހެކެވެ.